Pin khula, tie khuli, baklus khula, collar khula
Khultay khultay dairh ghantay main kahin jaa kar afsar khula
Aath dus ki aankh phooti, aath dus ka sar khula
Lo khateeb-e-shehar ki taqreer ka johar khula
Sach hay mashriq aur maghrib aik ho saktay nahi
Us taraf biwi khuli hai is taraf shohar khula
Teri qismat main aati hai to jaati hi nahi
Meray ghar kay bilmuqabil koyla centre khula
Unka darwaza tha mujh say bhi siwa mushtaq-e-deed
Main nay bahar kholna chaha to wo andar khula
Aadmi ehsas-e-mansub kay mutabiq qaid hay
Dekh lo deputy commissioner bund hay, reader khula.
